www.thename.ph

www.suurinimi.com

The Revelation of the Great Name of God

and of the Testimony of Jesus, and the New City of God, the New Jerusalem and the Coming of the Foreigner of God

"Generations come and generations go, but the earth remains forever." - Ecclesiastes 1:4 (NIV)

The world will not end, it will have a new beginning. One people, one world and One God.

The LORD will be king over the whole earth. On that day there will be one LORD, and his name the only name. Zechariah 14:9 (NIV)

The Name of God Revealed (NIV) | The Name of God Revealed (Tanakh) | The Testimony of Jesus | The Coming of the Foreigner 

Language versions:

English

Filipino

Finnish

Unang Pahina | Tungkol sa site | Balita | Sitemap | Email

Sino si Jesus?

Basahin ang Pahinang ito sa Ingles.

Isang Maikling Kasaysayan ni Maestro Evangelista

Inihayag noong ika-22 ng Agosto 2005

Narito ang isang tao na binigyan ng karunungan at kaunawaan sa Banal na Aklat. Isang karaniwang tao lang siya, nguni’t may matalas na pag-unawa at mapanuring pag-iisip. Siya ang nagtataglay ng susi upang malaman ang mga kahulugan ng mga hiwaga ng mga pahayag sa Banal na Aklat at sa mga pangyayari sa ating kapanahunan.

Ang “Salita ng Dios” na ibinigay sa isang tao mula sa anim na bilyong tao sa mundo.

Si Ginoong Eraño Martin Evangelista na lumaki sa Pandacan, Manila ay kilala sa mga kaibigan niya bilang “Ka Erdy” o “Maestro”. Anim na pu’t dalawang taong gulang na siya nang ito ay isinusulat, kung makikilala mo siya at makikita sa unang pagkakataon ay mapapansin mo na isa lamang siyang ordinaryong tao na may kababaang loob. At sa kanyang mga malapit na kaibigan, siya’y magaling magbigay ng mga bugtong at mga patawa, ito’y isang katangiang hindi karaniwang makikita sa mga ordinaryong tao.

Kahit ang kanyang naabot sa pormal na edukasyon ay hindi gaanong mataas, si Ginoong Evangelista ay nagkaroon ng masigasig na interes sa mga pagsasaliksik na pang-agham na naging kanyang hanapbuhay bilang isang “imbentor.” Ang kanyang pinakabagong proyekto ay ang paglikha ng “electronic device” na nakakabawas sa usok ng mga sasakyan na siyang nagdudulot ng polusyon, nagbibigay ng karagdagang lakas o “power” sa makina ng sasakyan at nakakatipid ng gasolina na hindi nakakasira sa kalikasan.

Siya ay dating kaanib ng “the Church of Christ” or Iglesia ni Kristo, isang Pilipinong denominasyon. Ang simbahan na kanyang kinaaniban ay ipinagbabawal ang pagbasa at pag-aaral ng Banal na Aklat ng mga kaanib na hindi mga ministro o hindi napapatnubayan ng mga ministro.

Hulyo 16, 1990, isang makahulugang pangyayari sa kanyang buhay ang naganap. Ito ay nangyari sa kanyang tahanan sa Las Piñas city, isang lungsod sa Metro Manila. Naghanda siya ng isang pagtitipon kasama ng kanyang mga kaibigan na kinabibilangan ng mga banyaga, isa rito – si Elmore Sumariaga, isang Filipino-American. Nang ika 12 ng tanghali, Sinabihan ni Ka Erdy ang kanyang asawa na si Sonnie, (na namayapa na noong 2004), na maghain ng pananghalian para sa mga panauhin. Habang siya ay nasa silid-tulugan, isang liwanag na naggaling sa itaas ang nagliwanag sa silid. Nakakita siya mg mga pangitain – isang malakas na lindol ang mangyayari sa araw na iyon, kikitil ng maraming buhay; at isang parating na digmaan sa may Gitnang Silangan; at ang panghuli, isang malakas na pagsabog ng bulkan na nangyari sa Pilipinas. 

Habang siya ay nananaghalian kasama ang kanyang mga panauhin, si Ka Erdy ay nagugulimihanan sa mga pangitain niya na kahit si Elmore ay nakapansin:

Elmore: What happened back there?

 

Ka Erdy: Well, I had this vision just now. Today, we will have a strong earthquake. Many will die.

 

Elmore: Are you dreaming?

 

Ka Erdy: No. It's a vision. (At kanyang inihayag ang mga bagay-bagay ng kanyang pangitain.)

Nang bandang ika-3:53 ng hapon, pagkatapos lumisan ang mga panauhin, naramdaman ni Ka Erdy ang lindol. Ang anak niyang si Nomer, sumigaw: Daddy, ito na ang lindol na sinabi ninyo!” Sagot niya: “Oo, Malakas iyan, at maraming mamatay d’yan.” Bandang huli, ang balita sa mga radyo, mga telebisyon at sa mga pahayagan ay nagpatunay na marami ngang namatay ng kalunos-lunos ng araw na iyon, kagaya ng nakita niya sa kanyang pangitain.

Agosto 1, 1990, habang siya ay nanananghalian kasama ang kaibigan niyang taga-Kuwait, si Ginoong Al-Sherida, sa Max's Restaurant sa Baclaran, Lungsod ng Parañaque. Inihayag ni Ka Erdy ang kanyang pangitain tungkol sa darating na digmaan sa Gitnang Silangan. Hindi siya pinaniwalaan nito, sa halip si Ka Erdy ay inimbitahan pa niya at nagbiro pa: "You know brother, it's easier to get inside Paradise than to enter Kuwait." Ang bansang ito ay mayaman sa langis at mahigpit sa mga bumubisita mula sa ibang bansa. At ng mga panahong iyon, ni isa ay walang nakaisip na may karatig bansa na mangangahas na sumakop dito. Nang sumunod na araw ding iyon, sinakop na ng bansang Iraq ang Kuwait. Tinawagan ni Jashim si Ka Erdy:

Jashim: Brother, what you said to me has happened. My country is invaded by Iraqi soldiers.

 

Ka Erdy: Yes. And now, not even you can enter Kuwait!

 

Jashim: What will happen next?

 

Ka Erdy: It's going to be a brief war, I have seen it in a vision.

At nangyari nga ang digmaan, nguni’t ito ay bigla rin natapos ng tinalo ng mga Amerikano at ng mga kaanib nito ang hukbo ng Iraq noong Pebrero 1991.

Hunyo 1991, kagaya ng kanyang naunang sinabi, ang pangitain ni Ka Erdy hinggil sa isang malaking pagsabog ng bulkan ay naging katotohanan ng sumabog ang Bulkang Pinatubo sa Zambales, Central Luzon. Ito ang panahon na nagbago ang takbo ng buhay ni Ka Erdy.

Nakita ni Ka Erdy ang kanyang pagaalinlangan sa sarili, at nalaman niya na siya ay nalagay sa alanganin. Siya ay nagtaka sa mga pangitain niya na nangyari lahat sa maikling panahon lamang. Nalito, nanalangin siya: Dios ko, kung may gusto Kang ipagawa sa akin, kung maaari kausapin Ninyo ako sa Banal na Aklat, na tapos na. Kung dili, iisipin ng mga tao na nasisiraan na ako ng bait!” Sinagot ng Dios ang panalangin ni Ka Erdy. Ang mga pahina ay binubuksan… ang mga talata ay ibinibigay… sa harapan niya.

Binigyan ng Dios si Ka Erdy ng tungkulin na maghayag sa mga tao ng mga tunay na aral at ang pinakamahalaga ay ang ihayag ang Pangalan ng Dios. Hindi na muling isasalin o isusulat ni Ka Erdy ang Banal na Aklat, sa halip ay magsasalita lamang siya ng mga pahayag ng Dios na naisulat ng mga propeta. Ang Dios ang magbibigay sa kanya ng mga ihahayag, ang mga katagang sasabihin at kung saang mga kabanata at mga talata sa Banal na Aklat ang babasahin sa tamang panahon. Wala siyang karapatang gumawa ng ibang palagay o kaisipan at ayunan ang mga kuru-kuro. Ang Banal na Aklat ay sapat upang linawin ang pahayag, kung ano ang nais ipabatid ng Dios sa mundo.

Sa mga bumabasa ng website na ito, iminumungkahi ni Ka Erdy na timbanging maigi at pag-isipang mabuti ang mga pahayag at saksihan ang pagkakatugma ng mga bagay na hinahanap nating lahat – Ang Katotohanan! Upang maniwala sa mga Pahayag ni Maestro Evangelista, tingnan at basahin ang mga ibinibigay niyang mga kabanata at mga talata na nakasulat sa Banal na Aklat.

Napag-alaman niya na binigyan ang bawa’t isa ng mata upang makakita, tainga upang makarinig at katalinuhan na tiyakin kung ano ang totoo at hindi, upang mapaganda ang buhay natin.

Lagi na lang, ipinaalaala ni Ka Erdy na huwag mamangha sa kanyang mga pangitain dahil siya lang ang nakakita nito, bagkus ay tanggapin ang mga aral ng Dios at unawain ang Banal na Aklat sa pamamagitan ng kanyang patnubay at gamitin ang ating likas na pagpapasiya, kung tatanggapin o hindi.

Bumalik sa Itaas.

Magpatuloy sa: Ang Pahayag ng Dios

Ang pahinang ito ay huling inayos noong: Wednesday May 28, 2014

Maestro Eraño M. Evangelista was only sent to deliver God's Message to all people; he is not starting a new religion, nor asking for any kind of donation. Please find time to read the messages completely.